यस सम्मेलनमा सबै गैरआवासीय नेपालीहरु ( गत आर्थिक वर्षमा १८२ दिन भन्दा बढी नेपाल बाहिर बिताएका नेपाली नागरिकहरु र नेपाली मूलका विदेशी नागरिकहरु तथा उनीहरुका परिवार), यस संघको उद्देश्यमा सहयोग गर्न इच्छुक नेपालका विदेशी मित्रहरु र गैरआवासीय नेपालीहरुसंग सहकार्य गर्न उत्सुक नेपाली मित्रहरु सम्मेलनमा सहभागी हुन सक्नेछन्।

गैरआवासीय नेपालीहरु बाहेक स्वदेशी एवं विदेशी मित्रहरुले सम्मेलनको मुख्य सत्रहरुमा मात्र सहभागी हुन पाउनेछन्। गैरआवासीय नेपाली संघको आन्तरिक संरचनासंग सम्बन्धित साधारण सभाका सत्रहरु (NRNA General Assembly) गैरआवासीय नेपाली संघ राष्ट्रिय समन्वय परिषदबाट औपचारिक रुपमा पठाइएका प्रतिनिधिहरुकालागि मात्र खुला हुनेछन्। गैरआवासीय नेपाली संघको निर्वाचन एवं विधान माथिको मतदानमा पनि संघको विधान अनुरुप प्रतिनिधित्व गर्न पाउने प्रतिनिधिहरु मात्र सामेल हुन पाउने छन्।