सम्मेलन नेपालको आर्थिक सामाजिक जीवनको एक महत्वपूर्ण घट्ना भएकोले यसले ठूलो व्यवसायिक अवसर पनि प्रदान गर्दछ। संसारभरी छरिएर रहेका नेपालीहरुको ध्यान सम्मेलनमा जाने र नेपाली समाज, सरकार र यहाँको संचार जगतले पनि सम्मेलनको व्यापक कभरेज गर्ने भएकोले पनि यस सम्मेलनको व्यवसायिक महत्व बढेको हो। गैरआवासीय नेपाली समूदाय माझ आफ्नो व्यवसाय प्रवर्द्धन गर्न इच्छुक व्यवसायिक प्रतिष्ठानहरुलाई सम्मेलनको साझेदार (Sponsor) बन्न सक्ने व्यवस्था गरिएको छ। सम्मेलनको प्लाटिनम, गोल्ड तथा सिल्भर स्पोन्सर हुनुको अतिरिक्त दिवा भोज, रात्री भोज लगायत विभिन्न इभेण्ट प्रायोजन गरेर र सम्मेलनको अवसरमा प्रकाशित हुने प्रकाशनमा विज्ञापन दिएर पनि सम्मेलनमा आफ्नो साझेदारी प्रदर्शन गर्न सकिने छ। साझेदारीको विस्तृत विवरण वेभसाइटबाट पाउन सकिने छ।

विज्ञापन, साझेदारी, सहभागिता सबै विषयमा अरु जानकारीकालागि नेपाल उद्योग वाणिज्य महासंघको भवनमा रहेको गैरआवासीय नेपाली संघको सचिवालय वा तल दिएको टेलिफोन र इमेलबाट पाउन सकिने छ।